Desde Amnistía Internacional lembramos a importancia do Día Internacional do Orgullo LGBT, sendo o 28 de xuño de cada ano. Isto debido a que en pleno século XXI, os dereitos das persoas LBTIQ+ seguen sendo cómplices de represión. A pesar dos avances lexislativos nalgúns países, a discriminación, criminalización e violencia contra as persoas LGBTIQ+ persiste […]
Desde Amnistía Internacional lembramos a importancia do Día Internacional do Orgullo LGBT, sendo o 28 de xuño de cada ano.
Isto debido a que en pleno século XXI, os dereitos das persoas LBTIQ+ seguen sendo cómplices de represión. A pesar dos avances lexislativos nalgúns países, a discriminación, criminalización e violencia contra as persoas LGBTIQ+ persiste e mesmo se intensifica en diversas rexións do mundo.
Un dos problemas máis alarmantes que enfronta a comunidade LGBTIQ+ é a criminalización da súa existencia. En polo menos 62 países, as relacións consensuadas entre persoas do mesmo sexo seguen sendo penadas por lei. En 31 países africanos, por exemplo, a homosexualidade é ilegal. No medio Oriente e Asia, nacións como Irán, Iemen ou Afganistán impoñen sancións extremas, que poden chegar a incluír a lapidación ou a execución pública. O cal demostra que en moitas rexións do mundo, a identidade sexual ou de xénero aínda se considera un delito.
Este tipo de leis colocan ás persoas LGBTIQ+ en situacións de extrema vulnerabilidade. Moitas ven obrigadas a fuxir dos seus países para protexer a súa integridade física e emocional. Con todo, nin sequera nos seus roteiros de migración atopan amparo: son obxecto de detencións arbitrarias, violencia, e exclusión institucional. Os roteiros migratorios cara ao norte representan un risco adicional para quen escapa das súas contornas hostís, xa que poden enfrontarse a representacións de odio como xenofobia, violencia sexual ou persecución por parte de autoridades.
A pesar dos tantos desafíos na actualidade, aínda hai especio para a mellora social. Por exemplo, en América Latina, países como Ecuador e Cuba aprobaron reformas progresistas, como o matrimonio igualitario ou a protección constitucional contra a discriminación por orientación sexual ou identidade de xénero. En Europa, aínda que persisten actitudes discriminatorias, os marcos legais son en xeral máis avanzados. España, por exemplo, impulsou leis trans que promoven a autodeterminación de xénero e prohiben prácticas como as “terapias de conversión”. Mesmo en Asia, onde a censura e o conservadurismo social predominan, hai excepcións como Tailandia, que en abril de 2024 legalizou o matrimonio igualitario, marcando un fito na rexión.
Fronte a este panorama, Amnistía Internacional desempeña un papel crucial como vixiante dos dereitos humanos. A organización denuncia violacións, esixe a abolición de leis represivas, apoia a persoas perseguidas e presiona aos gobernos para que adopten lexislacións inclusivas. Ademais, promove a recompilación de datos sobre violencia e discriminación.
En resumo, a loita polos dereitos das persoas LGBTIQ+ é hoxe una das grandes probas da sociedade. A igualdade a niveis legais, o recoñecemento de identidades trans, a protección contra o odio e a erradicación de leis discriminatorias son elementos esenciais para construír sociedades verdadeiramente democráticas. É así como a través dun compromiso colectivo e sostido será posible garantir un mundo máis igualitario, libre e xusto para todas as persoas.
