Os dereitos sexuais das mulleres en xogo: restricións ao aborto en Polonia

O dereito ao aborto é un dereito humano.

É o dereito das mulleres para decidir sobre a súa propia maternidade, sobre o seu propio corpo, é a consecuencia dunha longa e intensa loita. A autonomía, saúde sexual e integridade da muller non foron un agasallo, senón unha conquista.

Unha conquista, con todo, moi fráxil.

As restricións ao aborto que estamos a presenciar en Polonia son unha gran proba diso. Poñer en dúbida o dereito da muller para decidir sobre o seu futuro, obrigala a sentirse incómoda co seu propio corpo e sexualidade e coartar a súa independencia e autonomía supoñen un gran retroceso para as nosas sociedades.

Pero, por que marcharnos tan lonxe? Lembremos que tan só fai catro anos unha muller viuse obrigada a arriscar a súa vida viaxando de Galicia a Madrid porque a sanidade galega negouse en rotundo a practicarlle un aborto de urxencia. Como consecuencia, ela perdeu o seu útero a posibilidade de ser nai biolóxica de novo. En España estivemos a piques de retroceder no ano 2016 nos dereitos relacionados coa interrupción voluntaria do embarazo de forma libre, segura e gratuíto.

Mais aquí, da mesma forma que está a pasar agora en Polonia, as protestas a pé de rúa frearon o que ata ese momento parecía inevitable. Grazas á onda de protestas que asolagou o país, o presidente polaco Andrzej Dúbida, anunciou unha nova proposta para legalizar o aborto en caso de malformación grave do feto.

Está claro que aínda queda moito por percorrer, pero está claro que cando camiñamos junt@ s as cousas cambian; as realidades transfórmanse.

Dá igual como te chames. Dá igual de onde veñas. Dá igual. Por que a túa loita, é a loita de tod@s.

Queres saber máis sobre a situación que se está a vivir en Polnia ao respecto dos dereitos sexuais das mulleres? Bota un ollo a este docu e coméntanos as túas impresións! 👇🏾