Galicia
Galicia

Defender os dereitos humanos implica defender o bó funcionamento da sanidade pública. E especialmente, implica amparala fronte aos intentos de vendela e deixala no ámbito privado.

O desmantelamento da sanidade pública galega xa ocupou portadas o ano pasado, cando o 1 de decembro do 2019 pechouse o paritorio de Verín. Esta vez falamos de que Acciona, empresa española dedicada á xestión de infraestructuras, vendeu a súa participación do 43% no Hospital Cunqueiro de Vigo ao fondo francés Meridiam. Esta venda súmase á de hai un ano e medio ao fondo luxemburgués River Rock. Só un 23% da concesionaria está en mans dunha empresa con sede en Galicia.

Así, diferentes fondos de investimento de Centroeuropa controlarán a concesión do hospital, e a Xunta terá que pagarlles 963 millóns ata 2035. Máis estos non son os únicos pagamentos que o goberno galego terá que facer á concesionaria do hospital debido a súa colaboración público-privada. Ata 2040, quedan por pagar por eses contratos un total de 2.333 millóns de euros.

Dende o inicio na crise no ano 2008, a austeridade imprementou recortes sanitarios en Galicia. Entre o ano 2009 e o 2018, a inversión sanitaria pública baixou nun 13%, por habitante, baixou nun 10% e a inversión en atención primaria observou un decrecemento dun 15%. Mentres que os hospitales públicos da comunidade continúan ser maltratados, os privados medran. No ano 2017, ingresaron 325 millóns de euros, é decir, 2,6% máis que o ano anterior.

A Plataforma Electrónica Vortal Connecting Business, empresa de licitación e contratación electrónica, xestiona a teleasistencia, a receita electrónica e a historia clínica. Tamén en mans de multinacionais están os recursos precisos para planificar e xestionar o sistema. Voltando ao Hospital Álvaro Cunqueiro, este non está exento de anteriores polémicas. En 2015 foron recortadas 400 camas para renovar o Concerto Singular con Povisa, o hospital privado máis grande de España situado en Vigo, que o ano pasado foi comprado polo xigante norteamericano Centene Corporation.

Defender os dereitos humanos implica defender o bo funcionamento da sanidade pública. E especialmente, implica amparala fronte aos intentos de vendela e deixala no ámbito privado, pois é a única maneira de que todos podamos acceder aos coidados sanitarios que precisamos.  

Fotografía destacada feita na manifestación do 2016 en contra da privatización do Hospital Álvaro Cunqueiro. Roi González Villa (CC).

Deja un comentario

Tu dirección de correo electrónico no será publicada. Los campos obligatorios están marcados con *

*

code